- Jesass Leit heit gibt’s a Musi, bei da Wirtin auf da Reim,
kemmts fei alle do wird’s lustig, koana derf dahoamat bleim.
Kimmt da Schwoga und da Vetter, Glaserleit san a dabei,
selbstverständlich kimmt a jeder, zwandert mit sein Wei. - D’Scherenschleifer, d’Besenbinder ham heit ihran grouß’n Tag,
kemma deans mit Wei und Kinder und koan Kreuzer Geld im Sack.
Wag’nschmierhandler, Krax’ntrager san natürli‘ allzamm da,
da Mesna und da Tout’ngraber gengand a net o. - Und de Moila und de Buama kemman heit mit’n Sunnta’g’wand,
Köpf ham’s wia de gelb’n Ruama, oba sunst san’s guat beinand.
Und da Girgl und sei Bäurin kemmand a im Langsamschritt,
ja sogar da Ähl, da Alte, der hatscht a no mit. - Die Trompet’n spielt da Muckl und da Seppei s’Klarinett,
da Wirtsxaverl mit sein Buckl werklt af’m Zimplbrett.
Da Schullehrer kratzt die Geig’n und da Bader schlagt d’Gittar
und da schöner Zenz ihr Mo, der blost an Bombardon. - Alles tuat glei Polka tanz’n, alles schnauft und alles schwitzt,
d’Holzschuah gengand a in Frans’n, d’Moila san scho ganz dahitzt.
D’Buama schrein vor lauter Juchz’n scho als wia de wild’n Stier
und so geht de ganze Gaude furt bis in da Früah.
Um die App ideal nutzen zu können, sollten Sie ein Tablet oder einen PC benutzen. Auf dem Smartphone ist die Tastatur einfach zu klein :-)